काठमाडौं- तिहारलाई लक्षित गरी कात्तिक १५ बाट प्रदर्शनमा आउने तयारीमा रहेको फिल्म ‘एक्टर’को फर्स्ट लुक पोस्टर सार्वजनिक भएको छ । उक्त पोस्टरमा फिल्मका नायक प्रदीप खड्कालाई पाँच लुक्समा देख्न सकिन्छ ।

प्रदीपको घाइते लुक्सले पोस्टरमा बढी स्थान पाएको छ । त्यसबाहेक उनीलाई नेपाली पोसाकमा, पाइलट, लामो कपाल र मुस्कानसहित फरक चार लुक्समा देख्न सकिन्छ ।

फिल्ममा उनको कुन लुक्सले प्राथमिकता पाएको छ भन्ने पोस्टरबाट अनुमान लगाउन गाह्रो छ ।

यद्यपि यो फिल्मले निर्माणको सुरुवातदेखि नै चर्चा पाएको छ । राजबल्लभ कोइरालाको कमब्याक फिल्म भएकाले पनि यसले चर्चा पाएको हो ।

• चलचित्र ‘एक्टर’ बाट अभियनमा फर्कदै राजबल्लभ
• कमब्याक तयारीमा यी कलाकार, फिल्ममा देखिएलान् राजेश हमाल ?

यस फिल्मबाटै नायक दिलिप रायमाझीको छोरी दिव्याले ठूलो पर्दामा डेब्यू गर्दैछिन् ।

राजन भुसालको निर्देशन रहेको फिल्ममा प्रदीप, राजबल्लभ, दिव्यासहित आना शर्मा, दिव्य देव, सुशील सिटौला, उषा रजकलगायतको अभिनय रहेको छ ।

फिल्मका लेखक आकाश बराल र निर्देशक भुसाल हुन् । अदृत फिल्मस् र मोती फिल्मस्को प्रस्तुतिमा बनेको यस फिल्मका निर्माता थमन कुमारी भण्डारी हुन् ।

• दिलीपकी छोरी दिव्याको पहिलो फिल्म ‘एक्टर’ को शुभ मुहूर्त 
• ‘एक्टर’को काम सकाएर अमेरिका फर्किए नायक राजबल्लभ