नयाँदिल्ली- भारतले नयाँ बजेट ल्याएको छ । बित्तमन्त्री निर्मला सीतारमणले नयाँ युनियन बजेट संसद्मा वाचन गरिरहेकी छन् ।

बजट घोषणासँगै कयौँ बस्तु महंगिएका छन् भने केही सस्तिएका छन् ।

सीतारमणले नरेन्द्र मोदी नेतृत्वको तेस्रो कार्यकालको बजेट ल्याएकी हुन् । यसमा सीतारमणले कयौँ अहम उत्पादनमा कर बढाउने र घटाउने घोषणा गरेकी छन् ।

के के सस्तो हुने भए ?

क्यान्सरसँग सम्बन्धित तीन औषधिको भन्सार शुल्क हटाइएको छ । एक्सरे ट्युब र फ्ल्याट प्यानल डिटेक्टरको आयात शुल्क पनि हटाइएको छ ।

मोबाइल फोन र पार्ट्स- पीसीबी र मोबाइल फोन चार्जरको भन्सार शुल्क पनि १५ प्रतिशत घटाइएको छ ।

२५ आवश्यक खनिजमाथिको सीमा शुल्क यथावत छ ।

सोलर सेल र सोलर प्यानल निर्माण गरिने वस्तुको करमा छुट दिइएको छ ।

सुन र चाँदीमा लगाइएको सीमा शुल्क घटाएर ६ प्रतिशतमा झारिएको छ ।

प्लाटिनममाथि सीमा शुल्क घटाएर अब ६.४ प्रतिशत बनाइएको छ।