काठमाडौं- सत्ता साझेदार नेकपा एकीकृत समाजवादी पार्टीले लामो समयदेखि संघीय संसद्मा देखिएको अवरोध खुलाउन पहल थाल्ने निर्णय गरेको छ ।

बिहीबार बसेको ८२औँ सचिवालय बैठकले सहकारीको बचत हिनामिना, दुरुपयोग र ठगी छानबिन गर्न संसदीय समिति बनाउनुपर्ने अडान राखेको प्रतिपक्षी नेपाली कांग्रेस, प्रधानमन्त्री पुष्पकमल दाहाहाल प्रचण्ड र गृहमन्त्री रवि लामिछानेसहितसँग छलफल गर्ने निर्णय गरेको हो ।

यस्तै एकीकृत समाजवादीको यो बैठकले १० औँ महाधिवेशनको दस्तावेज जेठ १५ गते जिल्लामा पठाउने निर्णय गरेको छ ।

सचिवालयको अर्को बैठक जेठ १४ गते बस्ने उपमहासचिव तथा प्रचार बिभाग प्रमुख जगन्नाथ खतिवडाले जानकारी दिए ।

एकीकृत समाजवादीको १० औँ महाधिवेशन आगामी असार १६ देखि २० गतेसम्म काठमाडौंमा गर्ने तयारी छ ।