काठमाडौं- सहकारी संस्थाको बचत रकम अपचलन गरेको आरोपमा भरत जंगम पक्राउ परेका छन् ।
काठमाडौंको नयाँबानेश्वरस्थित साई स्वागत सहकारी संस्थाको बचत रकम अपचलनबारे छानबिनका लागि उनलाई जिल्ला प्रहरी परिसर काठमाडौंले आइबार पक्राउ गरेको हो ।
साई स्वागत सहकारीका पूर्वअध्यक्ष जंगमलाई पक्राउ गरिएको पुष्टि काठमाडौं प्रहरीका एसपी एवम्प प्रवक्ता नवराज अधिकारीले गरेका छन् ।
उक्त सहकारीमा राष्ट्रिय स्वतन्त्र पार्टी (रास्वपा) का सभापति रवि लामिछाने पत्नी निकिता पौडेल पनि कार्यकारी पदमा थिइन् । निकिता उक्त सहकारीको पूर्वउपाध्यक्ष थिइन् ।
जंगममाथि आइतबारदेखि नै अनुसन्धान अगाडि बढाइएको अधिकारीले खबरहबलाई बताए ।
हिनामिनापछि तत्कालीन अध्यक्ष भरत जंगम, उपाध्यक्ष निकिता पौडेल तथा अन्य पदाधिकारीलाई सञ्चालक समिति बनाएर उक्त सहकारीबाट निस्किएका थिए ।
सञ्चारकर्ममा रहँदा रविले भरत जंगम अध्यक्ष रहेको साई स्वागत बचत तथा ऋण सहकारी संस्थाबाट ५० लाख रुपैयाँ ऋण लिएका थिए ।
उनले चलचित्र विकास बोर्डकी तत्कालीन अध्यक्ष निकिता पौडेलसँग विवाहको छेकोमा सहकारीबाट ५० लाख रुपैयाँ ऋण लिएको बताइएको थियो । रवि लामिछाने र निकिता पौडेलले ०७५ माघ ७ मा अदालती विवाह (कोर्ट म्यारिज) गरेका थिए । त्यसपछि नगरकोटमा पार्टी दिइएको थियो ।
अदालती विवाह गरेको चार महिनापछि अर्थात् जेठ ३ गते उनीहरूले नगरकोटको सुविधा सम्पन्न एक होटलमा उनीहरूले औपचारिक रूपमा विवाह गरेका थिए ।
उनीहरूको विवाह समारोहमा भव्य भोज आयोजना गरिएको थियो । साई स्वागत बचत तथा ऋण सहकारी संस्था लिएको ऋणबाटै रवि–निकिताले नगरकोटको सुविधा सम्पन्न होटलमा विवाहमा भोज आयोजना गरेका थिए ।
प्रतिक्रिया