काठमाडौं – इङ्लिस प्रिमियरसिपको खेलमा साबिक विजेता म्यानचेस्टर सिटीको खराब प्रदर्शन कायम रहेको छ। शनिबार राति भएको खेलमा अस्टन भिल्लाले म्यानचेस्टर सिटीलाई २-१ ले हरायो। भिल्लाका लागि जोहन डुरान र मोर्गन रोजर्सले गोल गरे। सिटीका लागि अन्तिम समयमा फिल फोडेनले गोल गरेका हुन्।

पछिल्ला १२ खेलमा सिटीले नौ पराजयको सामना गरेको छ। लगातार आठ अबे खेलमा सिटी विजयहीन भएको छ। पहिलो हाफमा नै इमा मार्टिनेजले फाडेनको प्रहरलाई रोकेर भिल्लाको संकट टारेका थिए।

अन्य खेलमा नटिङघम फरेस्टले ब्रेन्टफोर्डलाई २-०, न्यु क्याशलले इप्सबिच टाउनलाई ४-० तथा आर्सनलले क्रिस्टल प्यालेसलाई ५-१ ले हराए। ब्रिङटन र वेस्टहाम बीचको खेलमा १-१ गोलको बराबरी भयो।

प्रिमियर सिपको अंक तालिकामा शीर्ष स्थानमा रहेको लिभरपुलको १५ खेलमा ३६ अंक छ। दोस्रो स्थानमा रहेको चेल्सीको १६ खेलमा ३४ अंक छ। तेस्रो स्थानको आर्सनलको १७ खेलबाट ३३ अंक छ।

नटिङघम फरेस्टको १७ खेलमा ३१ तथा अस्टन भिल्लाको १७ खेलमा २८ अंक छ। १७ खेलमा २७ अंकसहित सिटी छैटौँ स्थानमा छ।