काठमाडौं – सत्तारूढ नेकपा एमालेले नै दरबारमार्गमा प्रदर्शन गर्न लागेपछि काठमाडौंको ट्राफिक व्यवस्थापन अस्तव्यस्त बनेको छ । 

दरबारमार्गको मुख्य सडकमै स्टेज बनाएर भद्रकालीबाट र्‍याली निकाल्ने घोषणा गरेको सत्तारूढ पार्टीको प्रदर्शनले काठमाडौंको ट्राफिक व्यवस्थापन चुनौतीपूर्ण बनेको हो । 

अहिले काठमाडौंका मुख्य स्थानहरू : न्युरोड, शहीदगेट, सुन्धारा, जमल, भृकुटीमण्डप, भद्रकाली, त्रिपुरेश्वर र सिंहदरवार क्षेत्रमा अत्यधिक जाम छ । केही मिनेटको बाटो छिचोल्न आधा घण्टाभन्दा धेरै समय लाग्न गरेको छ । 

एमालेको सभाका कारण जाम हुने पिरले कार्यालयतिर निस्केका सर्वसाधारणले आज दु:ख पाएका छन् । सिंहदरबारसहितका क्षेत्रमा छिर्ने सडकमा जाम हुँदा सर्वसाधारण र कर्मचारीले पनि एक घण्टासम्म जाममा रोकिनुपरेको छ ।