काठमाडौं– नेपाली बजारमा सुनको मूल्यले पुनः नयाँ रेकर्ड बनाएको छ । नेपाल सुनचाँदी व्यवसायी महासंघले आज छापावाल सुनको मूल्य एकहजार सात सय रुपैयाँले बढेर प्रतितोला एक लाख ५८ हजार आठ सय रुपैयाँमा कारोबार भइरहेको जनाएको छ ।
यसअघि शुक्रबार छापावाल सुन प्रतितोला एकलाख ५७ हजार एकसय रुपैयाँमा कारोबार भएको थियो ।
अन्तर्राष्ट्रिय बजारमा लगातार सुनको मूल्य वृद्धि हुँदा त्यसको प्रभाव नेपाली बजारमा पनि परेको हो ।
यस्तै, चाँदीको मूल्य तोलामा पाँचले वृद्धि भएको छ । शुक्रबार प्रतितोला एक हजार नौ सय १५ रुपैयाँमा कारोबार भएको चाँदी आजका लागि भने एक हजार नौ सय २० रुपैयाँ निर्धारण भएको छ ।
प्रतिक्रिया