काठमाडौं– युरोकप फुटबलमा युक्रेनले पहिलो जित निकालेको छ । शुक्रबार राति भएको समूह ‘इ’ को खेलमा स्लोभाकियालाई २–१ गोलले हराउँदै युक्रेनले जित निकालेको हो ।

युक्रेनका लागि मिकोला शापारेन र रोमान यारेमचुकले एक–एक गोल गरेका थिए । यस्तै, स्लोभाकियाका इभान स्चारान्जले एक गोल गरेका थिए ।

खेलको १७औँ मिनेटमा स्लोभाकियाका इभानले टोलीलाई सुरुवाती अग्रता दिलाएका थिए । तर युक्रेनका मिकोलाले ५४औँ र रोमानले ८०औँ मिनेटमा गोल गरेसँगै स्लोभाकिया पराजित हुन पुग्यो ।

यो जितसँगै युक्रेन दुई खेलबाट ३ अंकका साथ समूहको दोस्रो स्थानमा छ । पराजित भएको स्लोभाकिया ३ अंकसहित तेस्रो स्थानमा छ ।

अब युक्रेनले समूह चरणको अन्तिम खेल जुन २६ मा बेल्जियमसँग र स्लोभाकियाले रोमानियासँग खेल्ने छन् ।