काठमाडौं– रिलायन्स ग्रुप, अन्तर्गतको ऋषि ट्रेड सेन्टरले सीएफ मोटो तथा सीएफमोटो जिहो ब्रान्डका लागि आधिकारिक वितरण लिएको छ।

उक्त ब्रान्ड अन्तर्गत सेन्टरले अबदेखि नेपाली बजारमा सीएफमोटोका उच्च गुणस्तर, पावर तथा पर्फमान्स बाइक, एटीभी, एसएसभ, मोटरसाइकल र सीएफमोटो जीहो अन्तर्गत विभिन्न मोडलका विद्युतीय स्कुटर अझ बढी आकर्षक विषेशताहरूका साथ नेपाली बजारमा प्रस्तुत गरेको जनाएको छ।

‘रिलायन्स ग्रुप, फ्यासिलिटेटीङ द नेसन्स ग्र्रोथ’ को नारा लिएको व्यापारिक केन्द्र हो।

उत्पादन (सिमेन्ट, कागज, र फल्लोरिङ), व्यापार (सिमेन्ट र घरेलु उपकरण),निर्माण, जलविद्युत, बैंकिङ क्षेत्रमा सफल रहेको यस ग्रुप अन्तर्गतको ऋषि ट्रेड सेन्टरले यी दुवै ब्रान्डको बिक्री वितरण गर्ने हुँदा, अटोमोटिभ सेक्टरमा समेत यस कम्पनीले आफ्नो व्यापारिक अनुभव, दक्ष जनशक्ति, विभिन्न स्रोत र साधनको उपयोग गरि दुवै ब्रान्डलाई ग्राहकमुखी वातावरणमा उच्च स्थान दिने कुरामा विश्वास लिएको छ।

हाल सेन्टरले सीएफमोटो अन्तर्गतका एनके २५० तथा एटीभीएस बाइकहरु, एटीभीएस एन्डएसएसभी र सीएफमोटो जीहो ब्रान्ड पश्चात हालसालै अर्को मोडेल एई ८ नेपाली बजारमा भित्राएको छ।