काठमाडौँ– जर्मन बुन्डेस लिगा फुटबलमा साविक विजेता बायर्न म्युनिख वेर्डर ब्रेमेनसँग स्तब्ध बनेको छ ।
गएराति भएको खेलमा बायर्नलाई ब्रेमेनले १–० गोलले स्तब्ध पारेको हो । ब्रेमेनका लागि मिचेल वेइसेरले एक गोल गरेका थिए ।
पहिलो हाफ गोलरहित बराबरीमा सकिएको खेलमा दोस्रो हाफको ५९औँ मिनेटमा मिचेलले गरेको गोल नै ब्रेमेनको जितका लागि निर्णायक बनेको थियो ।
खेलमा राम्रो पकड जमाए पनि पाएका अवसरलाई सदुपयोग गर्न नसक्दा बायर्न म्युनिख पराजित हुन पुग्यो ।
यो जितसँगै १८ खेलबाट २० अंक जोडेको वेर्डर ब्रेमेन १३औँ स्थानमा रहेको छ भने १८ अंक भएको बायर्न म्युनिख दोस्रो स्थानमा छ ।
प्रतिक्रिया