काठमाडौं– नेपाल प्रिमियर लिग अन्तरगर्तको फाइनल खेलमा सुदूरपश्चिम रोयल्सविरुद्ध जवाफी ब्याटिङमा उत्रिएको जनकपुर बोल्ट्सले दोस्रो क्षति ब्यहोरेको छ । 

जनकपुरका ओपनर आशफि शेख र महोम्मद मोसिन आउट भएका हुन् । आशिफले १९ बलमा ४ चौका र २ छक्काको सहयोगमा ३३ रन जोडे । 

आशिफलाई सुदूरपश्चिमका सैफ जाइबले ब्रान्डन म्याकमुल्लनेमार्फत् क्याच आउट गराए । 

त्यसपछि ब्याटिङका लागि आएका महोम्मद सस्तैमा पविलियन फर्किए । उनले ८ बलमा १ छक्काको सहयोगमा ९ रन जोडे । 

अहिले क्रिजमा ओपनर लाहिरु मिलन्था र हर्श ठाकर छन् । १८५ रनको लक्ष्य पछ्याएको जनकपुर खेल १२ ओभरमा आइपुग्दा २ विकेटको क्षतिमा ११६ रनको अवस्थामा छ । 

लाहिरुले जनकपुरको लय गुम्न दिएका छैनन् । उनले ३६ बलमा ६५ रन जोडेका छन् ।