काठमाडौं– नेपाल प्रिमियर लिगको फाइनमा पहिला ब्याटिङ गरिरहेको सुदूरपश्चिम रोयल्सको लगालग २ विकेट गुमाएको छ ।

११ ओभरसम्म कुनै पनि विकेटविहीन रहेको जनकपुर बोल्ट्सले १२ ओभरमा खेल पुग्दा सुदूरपश्चिमका २ आपेनरलाई ब्याटिङबाट बिदा गरेको छ । 

सुदूरपश्चिमका ओपनर सैफ जाइब ११ ओभरको अन्तिम बलमा ७९ रन जोड्दै आउट भए । उनले ८ चौका र २ चौका प्रहार गरी ३९ बलमा उक्त रन जोडेका हुन् । 

उनी आउट हुँदा सुदूरपश्चिम ११७ रनको अवस्थामा थियो । 

१२ ओभरको दोस्रो बलमा जनकपुरले अर्को विकेट लियो । ३१ बलमा १ चौका र ३ छक्काको सहयोगमा ४१ रन जोडेर उनी आउट भए । उनी आउट हुँदा पनि सुदूरपश्चिम ११७ रनकै अवस्थामा थियो । 

अर्थात्, सैफको विकेट झरेपछि विनोद पनि रन नजोडी आउट भएका हुन् । 

सुरुवातमा विकेटविहीन रहेर दबाबमा रहेको जनकपुरलाई केही राहत मिलेको छ ।