काठमाडौं – आर्थिक समस्यामा रहेको पाकिस्तानले पेट्रोलियम पदार्थको मूल्य बढाएको छ । पाकिस्तान सरकारले पेट्रोलको मूल्य प्रतिलिटर ९.९९ पाकिस्तानी रुपैयाँ बढाएको छ ।

यससँगै पेट्रोलको मूल्य २ सय ७५.६ रुपैयाँ प्रतिलिटर पुगेको पाकिस्तानबाट प्रकाशित हुने डन अखबारले जनाएको छ ।

त्यस्तै, सरकारले डिजेलको मूल्य पनि प्रतिलिटर ६.१८ रुपैयाँले बढाएको छ । यससँगै डिजेलको मूल्य २ सय ८३.६३ रुपैयाँ प्रतिलिटर पुगेको छ । विश्व बजारमा पेट्रोलियम पदार्थको मूल्य बढिरहेकाले बढाउनु परेको सरकारले जनाएको छ ।

यद्यपि पेट्रोलियम पदार्थको आयातमा लगाइएको कर एवम् भन्सार महशुल दरमा भने कुनै हेरफेर नगरिएको डनले उल्लेख गरेको छ ।

पेट्रोलियम पदार्थको मूल्य बढेसँगै यसले समग्र मुद्रास्फीतिमा प्रत्यक्ष असर पर्ने विश्लेषकहरुको चिन्ता छ ।