काठमाडौं– आज असार ७ गते राष्ट्रिय स्वतन्त्र पार्टी स्थापना भएको दुई वर्ष पुरा भएको छ । रास्वपाले पार्टी स्थापना भएको दिनको सम्झनामा सदन, सरकारको संक्षिप्‍त छलफल गरेको छ । 

पार्टी सहप्रवक्ता कवीन्द्र बुर्लाकोटीका अनुसार पार्टी स्थापना दिवसको अवसरका केन्द्रीय कमिटीले शुभकामना आदानप्रदान समेत गरेको छ । 

अहिले पार्टी केन्द्रीय समितिको बैठक बसेर आगामी कार्यक्रमको बारे पनि छलफल भइरहेको उनको भनाइ छ । 

जेठ २५ गते शुक्रबार पार्टी सभापति रवि लामिछानेको सभापतित्वमा बसेको सचिवालयको बैठकको निर्णयअनुसार आज रास्वपाले स्थापना दिवस पारेर पार्टी स्थापना पछिका गतिविधिको बारेमा छलफल गरेको हो । 

बैठक पछि पश्चात् रास्वपाले दिनको १ बजेबाट स्थापना दिवसको चियापान कार्यक्रम सुरु गर्ने छ । सो कार्यक्रममा विभिन्न दलका नेताहरूलाई समेत निम्तो दिएको छ ।