काठमाडौं– कान्तिपुर मिडिया ग्रुपका अध्यक्ष कैलाश सिरोहियालाई पक्राउ गरिएसँगै वरिष्ठ अधिवक्ता शम्भु थापा थापाथली पुगेका छन् ।

उपत्यका अपराध अनुसन्धान कार्यालयका एसएसपी सानुराम भट्टराईसहितको टोलीले सिरोहियालाई पक्राउ पुर्जी बुझाउँदै गर्दा थापा कार्यकक्षमा छिरेका हुन् ।

थापाले सिरोहियालाई अनुसन्धान र थप कारबाहीका लागि धनुषा लगिने भएकाले कानुन व्यवसायीहरू पनि साथमै जाने बताएका छन् ।

थापाले अर्का अधिवक्ता किशोर पौडेल सिरोहियासँगै धनुषा जाने बताएका छन् । सिरोहियालाई कानुनी सल्लाह दिन कानुन व्यवसायीहरू साथमै धनुषा जाने उल्लेख गरेका छन् ।

जिल्ला अदालत धनुषाले मंगलबार पक्राउ पुर्जी जारी गरेपछि उपत्यका अपराध अनुसन्धान कार्यालको टोलीले सिरोहियालाई पक्राउ गरेको हो ।
उनलाई पक्राउका लागि पुगेको टोलीले कार्यकक्षमै छिरेर पुर्जी थमाइसकेको छ । पुर्जी दिइसकेपछि उनलाई कान्तिपुरको कार्यालयबाट निकालेर धनुषातिर लैजाने तयारी गरिएको छ ।