काठमाडौं– भारतले विकास गरेको पिनाका क्षेप्यास्त्र प्रणाली किन्न विभिन्न मुलुकहरुले चासो देखाएका छन् ।

सोलर एक्सप्लोसिभ नामक रक्षा कम्पनीका कार्यकारी निर्देशक अवकाशप्राप्त मेजर जनरल भी आर्याले पिनाका खरिद गर्न विभिन्न मुलुकले चासो देखाएको जानकारी दिएका हुन् ।

उनले विज्ञप्ति जारी गर्दै हाल पिनाका क्षेप्यास्त्र प्रणाली भारतबाहेक अर्मेनियाको सेनाले मात्रै प्रयोग गर्दै आइरहेको उल्लेख गरेका छन् । यद्यपि यस क्षेप्यास्त्र प्रणाली खरिद गर्न विश्वका विभिन्न मुलुकहरूले चासो देखाइरहेको उनको भनाइ छ ।

मल्टि ब्यारेल रकेट लञ्चर प्रणालीमा आधारित यस क्षेप्यास्त्रको मारक दूरी ७५ देखि ० किलोमिटरसम्म रहेको जनाइएको छ । परीक्षण र द्वन्द्वमा राम्रो प्रदर्शन गर्नुका साथै सस्तो मूल्य रहेकाले पनि धेरै मुलुकहरू यस हतियार खरिद गर्न उत्सुक रहेको जनाइएको छ ।