काठमाडौं – एक खेल अगावै हङकङविरुद्ध एकदिवसीय अभ्यास सिरिज जितेको नेपाली यु-१९ टोलीले अन्तिम खेलमा अहिले ब्याटिङ गर्दैछ। काठमाडौंस्थित मुलपानी क्रिकेट मैदानमा शुक्रबार बिहान टस जितेको नेपालले सुरुमा ब्याटिङ गरेको हो।

अन्तिम खेल अगाडि नै नेपालले तीन खेलको सिरिज २-० ले अग्रता लिएको छ। पहिलो खेलमा तीन विकेटले विजयी भएको नेपालले दोस्रो खेलमा हङकङलाई दुई सय २६ रनले हराउँदै सिरिज आफ्नो पक्षमा पारेको हो।

दोस्रो खेलमा जितका लागि दुई सय ९८ रनको लक्ष्य पछ्याएको हङकङ २९.४ ओभरमा सबै विकेटको क्षतिमा ७१ रनमा समेटिएको थियो।

मुलपानी क्रिकेट मैदानमा अहिले जारी खेलको आठ ओभरको समाप्तिमा नेपालले एक विकेटको क्षतिमा २७ रन बनाएको छ।