एजेन्सी – जर्मनीमा जारी १७औँ संस्करणको युरोकप अन्तर्गत समूह ‘सी’को खेल सर्विया र स्लोभेनियाले बराबरी खेलेका छन् ।

बिहीबार साँझ भएको खेलमा सर्विया र स्लोभेनियाले १–१ गोलको बराबरी खेल्दै अंक बाँडेका हुन् । खेलमा पहिले अग्रता बनाए पनि अन्तिममा सम्हाल्लीन नसक्दा स्लोभेनिया बराबरीमा रोकियो ।

खेलको ६९औं मिनेटमा जान कार्निनिकले गोल गर्दै स्लोभेनियाले अग्रता बताएको थियो । सर्वियाले इन्जुरी समयमा बराबरी गोल गर्दै एक अंक सुरक्षित गर्यो । सर्वियाका लागि ९५ औं मिनेटमा लुका जोभिकले गोल गरेका थिए ।

स्लोभेनिया यो लगातार दोस्रो बराबरी हो । यसअघि स्लोभेनिया पहिलाे खेलमा डेनमार्कसँग बराबरी खेलेको थियो । सर्विया भने पहिलो खेलमा इंग्ल्याण्डसँग पराजित भएको थियो ।

बराबरीसँगै समूह सी स्लोभेनिया २ अंक सहित तेस्रो स्थानमा छ । भने सर्विया एक अंक सहित चौथो स्थानमा छ । यो समूहको पहिलो स्थानमा इंग्ल्याण्ड र दोस्रोमा डेनमार्क रहेका छन् ।