काठमाडौं– सत्ता साझेदार दल राष्ट्रिय स्वतन्त्र पार्टी (रास्वपा) ले आफ्ना सांसदहरुलाई ह्विप लगाएको छ ।

प्रधानमन्त्री पुष्पकमल दाहाल प्रचण्डले आज संसदमा विश्वासको मत लिन लागेकाले रास्वपाले आफ्ना सांसदहरुलाई ह्विप जारी गरेको हो ।

रास्वपाले प्रधानमन्त्रीले लिने विश्वासको मतमा संसदमा अनिवार्य उपस्थित भइ पक्षमा मतदान गर्न निर्देशन गरेको हो ।

‘हाम्रो पार्टी वर्तमान सरकार साझेदारीको एक प्रमुख पार्टी भएकाले पार्टीको ससदीय दलको निर्णय अनुसार बैठकमा अनिवार्य उपस्थिति जनाउन र प्रधानमन्त्रीको विश्वासको मतको पक्षमा मतदान गर्न सम्पूर्ण प्रतिनिधि सभा सदस्यज्यूहरूलाई यो ह्विप जारी गरिएको छ,’ प्रमुख सचेतक सन्तोष परियारद्वारा जारी गरिएको ह्विप पत्रमा भनिएको छ ।