दुई सातादेखि अवरुद्ध कालीगण्डकी करिडोर सञ्चालनमा

४ श्रावण २०८१, शुक्रबार

पढ्न लाग्ने समय : < 1 मिनेट

ढोरपाटन– गत असार २१ गतेदेखि अवरुद्ध राष्ट्रिय गौरवको आयोजना कालीगण्डकी करिडोर सञ्चालनमा आएको छ ।

भारी वर्षाका कारण बागलुङ नगरपालिका-१० दब्ल्याङमा सडकको केही भाग बगाउँदा सडक अवरुद्ध भएको थियो ।

वर्षा रोकिएपछि करिडोर कार्यालयले भासिएको सडकमा ग्याविनसहितको पर्खाल उठाएर सञ्चालन गरिएको जिल्ला प्रहरी कार्यालयले जनाएको छ ।

दुई सातादेखि करिडोर अवरुद्ध हुँदा दक्षिण बागलुङसँग बुटवल, भैरहवा र मुक्तिनाथ जाने सवारिसाधन बाटोमै रोकिएका थिए ।

प्रकाशित मिति : ४ श्रावण २०८१, शुक्रबार ८ : ०३ बजे

प्रतिक्रिया