काठमाडौँ– कालीमाटी फलफूल तथा तरकारी बजार विकास समितिले आजका लागि फलफूल तथा तरकारीको मूल्यसूची सार्वजनिक गरेको छ ।

समितिका अनुसार आज हरियो अंगुर प्रतिकेजी १२० रुपैयाँ, कालो अंगुर २००, केरा दर्जनको १२०, अनार २८०, किबी ४००, एभोकाडो ३००, अम्बा १५० र स्ट्रबेरी २५० रुपैयाँमा खरिदबिक्री भइरहेको छ ।

यसैगरी, नेपाली ठूलो गोलभेडा ५०, भारतीय सानो गोलभेडा ३०, अदुवा २००, रातो आलु र रातो भारतीय आलु ३०, स्थानीय काउली २५, लौका ५०, कागती २५०, सुकेको खुर्सानी ४६०, हरियो खुर्सानी ८० रुपैयाँ कायम भएको छ ।

यस्तै, लोकल गाँजर प्रतिकेजी ३० रुपैयाँमा कारोबार हुँदा लोकल बन्दा ३५, लोकल सेतो मूला र रातो मूला २५ रुपैयाँ, लोकल घिउ सिमी ९०, राजमा घिउ सिमी ११०, हरियो फर्सी लाम्चो ५० र हरियो डल्लो फर्सी ६० रुपैयाँमा किनबेच भइरहेको समितिले जनाएको छ ।

समितिले गुन्द्रुक २५०, भारतीय सुकेको प्याज ७५, हरियो प्याज १०० र पुदिना ३५०, ब्रोकाउली ५०, चाइनिज सुकेको लसुन ३२०, हरियो लसुन १३०, लाम्चो भान्टा ४०, भिण्डी ९० र हरियो धनियाँ ५० रुपैयाँ प्रतिकेजी मूल्य निर्धारण गरेको छ ।

आज ताजा छडी माछा २५० रुपैयाँमा कारोबार हुँदा बचुवा माछा २५०, रहु माछा ३४० र मंगुरी माछा ३५० रुपैयाँमा किनबेच भइरहेको छ ।