काठमाडौं– नेपाल प्रिमियर लिग (एनपीएल)को पहिलो क्वालिफ्याएर खेलमा सुदूरपश्चिम रोयल्सविरुद्ध ब्याटिङ गरिरहेको जनकपुर बोल्ट्स सुरुवातमै संकटमा परेको छ ।
कीर्तिपुर मैदानमा टस जितेर पहिला ब्याटिङमा उत्रिएको जकनपुरले १५ ओभरमा पुग्दा ५ ब्याटर गुमाएको छ ।
जनकपुरका ओपनर लाहिरू मिलन्था २ ओभरको पाँचौ बलमा आउट भए । १४ बल खर्चेर २ चौकाको सहयोगमा लाहिरुले १२ रन मात्रै जोडे ।
लाहिरुले सुदूरपश्चिचमका कप्तान दीपेन्द्रसिंह ऐरीको एलबीडब्ल्यू धरापमा परेर विकेट गुमाएका हुन् ।
अर्का ओपनर आशिफ शेखलाई पनि सैफ जाइबले सस्तैमा समेटे । १० बलमा ११ रन जोडेका उनले दुई चौका प्रहार गरे ।
शुभ कंशाकारले २४ बलमा २६ रन जोडे । उनी ८ ओभरको अन्तिम बलमा रन आउट भएका हुन् ।
जनकपुरका सइफ जाइब पनि तीन बलमा खाता नै नखोली पवेलियन फर्किएका छन् । त्यसैगरी अरनिको यादव पनि २० बलमा ११ रन बनाएर आउट भए ।
जनकपुर अहिले १५ ओभरमा ५ विकेट गुमाएर ९७ रनको संकटपूर्ण अवस्थामा छ । क्रिजमा जेम्स निसम १७ रनसहित छन् । उनलाई साथ दिन मोसिन आएका छन् ।
तस्बिरहरू : चिरायु शाक्य
प्रतिक्रिया