काठमाडौं– गायक यश कुमारले नयाँ गीत ‘हिरो’ सार्वजनिक गरेका छन् । दरबारमार्गमा बुधबार एक कार्यक्रमको आयोजना गरी औपचारिकरुपमा गीत सार्वजनिक गरिएको हो । 

‘हिरो’मा गीतमा गायक यश कुमारकै शब्द, संगीत र स्वर रहेको छ । भिडियोमा अभिनेतृ गरिमा शर्मा, दिपेन्द्र सोनाम र रोजेन सुन्दासको अभिनय रहेको छ । साथै, गीतको भिडियोमा गायक यश कुमार पनि अतिथीय भूमिकामा देखिएका छन् ।

यो गीतको भिडियोलाई निकेश खड्काले निर्देशन गरेका हुन् । यो उनको यशसँगको पाँचौँ सहकार्य हो । यश र निकेश एकअर्कालाई आफ्नो ‘लक्की चार्म’ मान्ने गर्छन् । 

‘हिरो’ गीतको भिडियोमार्फत गायक यश कुमारले आत्महत्या दुरुत्साहनको विषय उठान गरेका छन् । 

सोही कार्यक्रममार्फत गायक यश कुमारले आफ्नो २६ वर्ष पूरानो सुपरहिट गीत ‘हिजो अर्कैसँग देखेँ’को ‘फिमेल भर्सन’ पनि सार्वजनिक गरेका थिए ।