मुम्बई – बलिउड जगतकी चर्चित पार्श्व गायिका अल्का याग्निकलाई दुर्लभ न्यूरो संक्रमण भएको छ । यहीकारण यी चर्चित गायिकाले सुन्ने क्षमता गुमाएकी छन् । यो कुराको पुष्टि उनी आफैंले इन्स्टाग्राममार्फत मंगलबार गरेकी छन् ।
अलकाले आफ्नो समस्याबारेमा जानकारी दिँदै फ्यान र साथी कलाकारहरूलाई चर्को आवाज र संगीतबाट टाढै रहन भनेकी छन् ।
९० को दशकदेखि बलिउडका कयौँ चर्चित र सदाबहार गीतमा आवाज दिइसकेकी अलका याग्निकलाई एक दुर्लभ न्यूरो संक्रमण देखिएको हो । इन्स्टाग्राममा उनले एक पोस्टमार्फत अब आफूले सुन्न छाडेको बताएकी छन् ।
अलकाले आफूलाई भाइरल ज्वरोले आक्रमण गरेपछि यो समस्या सुरु भएको बताएकी छन् । एक दिनभरको उडानपछि बाहिर आइसकेपछि आफ्नो सुन्ने क्षमता गुमेको जानकारी उनले दिएकी छन् ।
इन्स्टाग्राममा यस समस्याबारे बताउँदै उनले लेखेकी छन्, ‘मेरा सबै फ्यान, साथी, फलोअर र शुभचिन्तहरू केही साताअघि जब म एक उडानबाट बाहिर निस्किरहेकी थिएँ तब मलाई लाग्यो मैले सुन्न सकिरहेकी छैन । यस तनावबाट गुज्रिएको एक सातापछि थोरै हिम्मत जुटाएर म यो सन्देश लेख्दैछु । म कहीँ हराएँ, बेपत्ता भएँ भन्ने मेरा साथी र शुभचिन्तकका लागि मौनता तोड्दैछु ।’
उनले आफ्नो सांगीतिक करिअरका क्रममा २१ हजारभन्दा धेरै गीत रेकर्ड गराएकी छन् । ९० को दशकदेखि निरन्तर उनी भारतीय संगीत जगतमा छाइरहेकी गायिका हुन् ।
View this post on Instagram
प्रतिक्रिया