काठमाडौँ– स्पेनिस ला लिगा फुटबलमा बार्सिलोनाले सेल्टा भिगोलाई हराएको छ । गएराती भएको खेलमा सेल्टा भिगोलाई २–१ गोलले हराउँदै बार्सिलोना विजयी भएको हो ।
बार्सिलोनाको जितमा रोबेर्ट लेवानडोस्कीले दुई गोल गरेका थिए । उनले खेलको ४५औँ मिनेटमा पहिलो गोल गरेका थिए भने दोस्रो हाफको इन्जुरी समयको ७औँ मिनेटमा पेनाल्टीमार्फत दोस्रो गोल गर्दै टोलीलाई जित दिलाएका थिए ।
सेल्टा भिगोका लागो आसपासले खेलको ४७औँ मिनेटमा एक गोल फर्काए पनि बार्सिलोनालाई रोक्न नसक्दा पराजित हुन पुग्यो ।
यो जितपछि बार्सिलोना २५ खेलबाट ५४ अंक जोडेर तालिकाको तेस्रो स्थानमा रहेको छ । पराजित भएको सेल्टा भिगो २० अंकसहित १७औँ स्थानमा छ ।
प्रतिक्रिया