काठमाडौं- अफ्रिका कप अफ नेसन्समा मोरक्कोले विजयी सुरुवात गरेको छ ।
गएराति सम्पन्न समूह एफ अन्तर्गतको खेलमा मोरक्कोले तान्जानियालाई ३–० गोल अन्तरले पराजित गर्दै प्रतियोगितामा विजयी सुरुवात गरेको हो ।
मोरक्कोको जितमा रोमैन सैस, अज्जेदीन ओउनाही र योउसेफ एन जेस्यरीले एक एक गोल गरेका थिए ।
यस खेलमा तान्जानियाका नोभाटस मिरोशीले खेलको ७०औं मिनेटमा रातो कार्ड पाएपछि १० खेलाडीमा सिमित भएको थियो ।
यो जितपछि समूह एफ मा मोरक्कोले महत्वपूर्ण तीन अंक हासिल गरेको छ र समूहको शीर्ष स्थानमा रहेको छ ।
अब मोरक्कोले अर्को खेल आइतबार डिआर कंगोसँग खेल्नेछ भने तान्जानियाले आइतबार नै जाम्बियासँग खेल्ने तालिका रहेको छ ।
प्रतिक्रिया