विराटनगर– रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले पहिलो पटक स्थानीय तह निर्वाचन लड्ने भएको छ।
२०७९ को निर्वाचन हुनुअघि ६ महिनाअघि खुलेको यस दलले संघीय संसद्मा २१ सीट जितेको थियो । त्यसबेला प्रदेशमा उम्मेदवारी नदिएको रास्वपाले पहिलो पटक स्थानीय तहको निर्वाचन लड्ने भएको छ ।
हुम्लाको सर्केगाड गाउँपालिकामा उपाध्यक्ष पदमा उठ्न तयार सुजता थापालाई मनोनयनमा जाने तयारी गरिरहेका बेला शनिबार मंसिर १ गते दिउँसो करिब १ बजे ४०/५० जनाको समूहले घरमै आएर धक्की दिएको भन्दै रास्वपाले विरोध जनाएको थियो ।
थापा र उनका श्रीमान् बल थापालाई करिब ४०-४५ जना युवाहरूको समूहले घरबाट लछारपछार गर्दै अपहरण शैलीमा अज्ञातस्थलतर्फ लिएर गएको दाबी रास्वपा कार्यवाहक महामन्त्री कविन्द्र बुर्लाकोटीले गरेका थिए । यस्तोमा देशका ४४ स्थानमा हुन लागेको उपनिर्वाचनमा प्रतिस्पर्धा गर्ने-नगर्ने टुंगो दिउँसो ३ बजे गर्ने बताएको रास्वपाबाट मोरङको ग्रामथानमा भने उम्मेदवारी दर्ता भइसकेको छ ।
ग्रामथान गाउँपालिकाको अध्यक्षमा राष्ट्रिय स्वतन्त्र पार्टीले नवीनकुमार विश्वासलाई उम्मेदवार बनाएको छ । त्यहाँ रास्वपाका कार्यकर्ताहरू र्यालीसहित मुख्य निर्वाचन अधिकृतको कार्यालयमा पुगेका थिए । मुख्य निर्वाचन अधिकृतको कार्यालयमा विश्वासले मनोनयन दर्ता गराइसकेका छन् ।
विश्वासको मनोनयन दर्ता गराउने क्रममा रास्वपाकी कान्छी सांसद निशा डाँगी पनि पुगेकी थिइन् । उनी झापाको भद्रपुर नरपालिका निवासी समानुपातिक सांसद हुन् ।
प्रतिक्रिया