कोलकाता- भारतको पश्चिम बंगाल राज्यस्थित नयाँ जलपाईगुडीमा सोमबार बिहान रेल दुर्घटनामा मृत्यु हुनेको संख्या १५ पुगेको छ ।नयाँ जलपाईगुडीमा कञ्चनजंघा एक्सप्रेसलाई एउटा मालगाडीले ठक्कर दिँदा कम्तीमा १५ यात्रुको मृत्यु भएको हो । यो घटनामा ३० यात्रु घाइते भएका छन् ।

मालगाडीले पछाडिबाट हानेपछि कञ्चनजंघा एक्सप्रेसका कम्तीमा दुईवटा बोगी पटरीबाट उछिटिएका थिए ।

‘दुर्घटनामा १५ यात्रुको मृत्यु भएको छ, २० देखि २५ जना घाइते भएका छन्। धेरैको अवस्था गम्भीर छ। एउटा मालगाडी र कन्चनजंघा एक्सप्रेसमा ठोक्किएपछि घटना भएको हो,’ दार्जीलिङ प्रहरीका अतिरिक्त एसपी अभिषेक रोयले भने।

यो दुर्घटना उत्तर बंगालको नयाँ जलपाईगुडी स्टेशनबाट करिब ११ किलोमिटर टाढा भएको हो ।

जुन पूर्वी र उत्तरपूर्वी भारतको उत्तरपूर्वी सिमानास्थित सबैभन्दा ठूलो र व्यस्त स्टेशनमध्ये एक हो। यो रेल अगरतलाबाट कोलकाताको सियालदह स्टेशन जाँदै थियो।