काठमाडौं– सुन प्रकरण तथा सहकारी ठगीको आरोपमा पक्राउ परेका पूर्वउपराष्ट्रपति नन्दबहादुर पुनका छोरा दिपेशलाई जिल्ला अदालत रुपेन्देहीले ८ दिन हिरासतमा राखेर अनुसन्धान गर्ने अनुमति दिएको छ ।

जिल्ला अदालत रुपेन्देहीका सुचना अधिकारी अनन्तराज मरासिनीका अनुसार प्रहरीले आइतबार संगठित अपराधसम्बन्धी कसुरमा पुनलाई ८ दिन थुनामा राखेर अनुसन्धान गर्न अनुमति पाएको हो ।

मरासिनीले भने, ‘पुन शुक्रबार पक्राउ पर्नुभएको छ । अनुसन्धान गर्न प्रहरीले आजबाट ६ दिनको म्याद पाएको हो ।’

पुनमाथि रुपन्देहीस्थित सुप्रिम सहकारी तथा बचत ऋण सहकारी संस्थाको ७८ करोडभन्दा बढी रकम ठगी गरेको आरोप लागेको छ ।

जिल्ला प्रहरी कार्यालय रुपन्देहीका डीएसपी मनोहर भट्टकाअनुसार यस प्रकरणमा सहकारीका अध्यक्ष ओमप्रकाश भट्ट र कर्मचारी दुर्गा चापागाईं पक्राउ परेका छन् ।

पुनलाई शुक्रबार प्रहरीले काठमाडौंबाट पक्राउ गरी रुपन्देही लगेको थियो ।

याे पनि…

• सहकारी ठगीबारे अनुसन्धान गर्न दीपेश पुनलाई भैरहवा लगियो
• पूर्वउपराष्ट्रपति पुनका छोरा दिपेश पक्राउ, सांसदले खोजे सम्पत्तिको स्रोत
• ‘पूर्वउपराष्ट्रपति राज होइबक्सेको दरबारको स्रोत के हो ?’