काठमाडौं– चालु आर्थिक वर्षको पहिलो महिना साउनमा नेपालका बैंकिङ संस्थाहरूले सवा १० रुपैयाँभन्दा बढी अर्ब बढी नाफा आर्जन गरेका छन् । नेपाल राष्ट्र बैंकले सोमबार सार्वजनिक गरेको तथ्यांकअनुसार चालु आर्थिक वर्षको पहिलो साउन महिनामा वाणिज्य बैंक, विकास बैंक र फाइनान्सियल कम्पनीहरूले १० अर्ब २६ करोड ५० लाख रूपैयाँ नाफा गरेका हुन् ।

तथ्यांकअनुसार अघिल्लो आर्थिक वर्षको साउन महिनाको तुलनामा गएको साउनमा बैंक तथा वित्तीय संस्थाहरूको नाफामा वृद्धि भएको हो । अघिल्लो साउनमा बैंक तथा वित्तीय संस्थाहरूले ९ अर्ब ४९ करोड ४ लाख रुपैयाँ नाफा आर्जन गरेका थिए । जुन नाफा चालु आवको पहिलो महिनाको तुलनामा ७७ करोड ४६ लाख रूपैयाँले कम हो ।

केन्द्रीय बैंकको तथ्यांकअनुसार अघिल्लो आर्थिक वर्ष ०७९/८० को तुलनामा गत आर्थिक वर्ष ०८०/८१ मा बैंक तथा वित्तीय संस्थाहरूको नाफामा ८.८१ प्रतिशतले खुद नाफामा गिरावट आएको थियो ।

अंकका हिसाबले चालु आर्थिक वर्षको पहिलो महिनामा बैंक तथा वित्तीय क्षेत्रको नाफामा सुधार आएको देखिएतापनि त्यसको समान प्रभाव भने सो क्षेत्रमा परेको देखिँदैन । चालु आर्थिक वर्षको पहिलो महिनामा वाणिज्य बैंकहरूले गत आर्थिक वर्षको सोही अवधिको तुलनामा ६५ करोड १ लाख रूपैयाँ बढी नाफा आर्जन गर्न सफल भएका छन् ।

त्यस्तै, विकास बैंकहरूले चालु आर्थिक वर्षको पहिलो महिनामा गत आवको सोही अवधिको तुलनामा जम्मा १३ करोड ६० लाख बढी नाफा आर्जन गरेका छन् भने फाइनान्स कम्पनीहरूले ४ करोड ५० लाख रूपैयाँ मात्रै बढी नाफा आर्जन गर्न सफल भएका छन् ।

वाणिज्य बैंकहरूमध्ये गत आर्थिक वर्षको पहिलो महिनाको चालु आर्थिक वर्षको पहिलो महिनामा तुलनामा कृषि विकास बैंकले सबैभन्दा धेरै प्रतिशत नाफा आर्जन गर्न सफल भएको छ भने ग्लोबल आईएमई बैंकले सबैभन्दा धेरै नाफा आर्जन गर्न सफल भएको छ ।

त्यस्तै वाणिज्य बैंकहरूमा गत आर्थिक वर्षको पहिलो महिनाको तुलनामा चालु आर्थिक वर्षको पहिलो महिनामा नेपाल बैंकको नाफा सबैभन्दा धेरै ३७.८५ प्रतिशतले घटेको छ भने माछापुच्छ्रे बैंकले सबैभन्दा कम नाफा आर्जन गरेको छ ।

साउन महिनामा वाणिज्य बैंकहरूको नाफाको अवस्था (१० लाखमा):