काठमाडौँ– एएफसी एसियन कप फुटबलमा ओमानविरुद्ध साउदी अरेबियाले पुनरागमन जित निकालेको छ ।

गएराति भएको समूह ‘एफ’को पहिलो खेलमा ओमानलाई २Þ–१ गोलले हराउँदै साउदीले संघर्षपूर्ण जित निकालेको हो ।

साउदी अरेबियाका लागि अब्दुरहमान घारीव र अली अल बोलाहीले एक–एक गोल गरेका थिए । ओमानका अल यहयाइले एक गोल गरेका थिए ।

खेलको १४औँ मिनेटमा सुरुवाती अग्रता लिए पनि त्यसलाई जोगाउन नसक्दा ओमान पराजित हुन पुग्यो ।

खेलको ७८औँ मिनेटमा घारीवले गोल गर्दै ओमानसँग १–१ गोलको बराबरी गरेका थिए । त्यसपछि इन्जुरी समयमा बोहालीले गोल गर्दै साउदीलाई २–१ गोलको जित दिलाए ।

यो जितसँगै साउदी अरेबियाले पहिलो खेलबाट ३ अंक जोडेको छ । शीर्षस्थानको थाइल्याण्डको पनि ३ अंक नै छ । पराजित भएको ओमान अंकविहीन छ ।