काठमाडौं– नेपाल एसबीआई बैंक लिमिटेडले गत आर्थिक वर्ष २०८०–८१ को वितरयोग्य मुनाफाबाट शेयरधनीलाई १०.३८ प्रतिशत बोनस दिने भएको छ ।

बैंकका कम्पनी सचिव श्रीधर अधिकारीका अनुसार बैंकले चुक्ता पूँजीको ७१ करोड ९२ लाख ६० हजार ४३१ रुपैयाँ अर्थात ६.८५ प्रतिशत नगद लाभांश दिने भएको हो । यस्तै, ३९ करोड ९० लाख ५ हजार ७८६ रुपैयाँ अर्थात ३.८० प्रतिशत बोनस शेयर दिने जनाइएको छ ।

बैंकको उक्त बोनस प्रस्ताव नेपाल राष्ट्र बैंकले स्वीकृति दिसकेको छ भने अब आगामी साधारणसभाबाट अनुमोदन गरिनेछ । बैंकको ३१औँ साधारणसभा पुस २१ गते बस्दैछ ।

बैंकले बोनस वितरण र साधारणसभा प्रयोजनका लागि पुस ७ गते एक दिन बुक्क क्लोज गर्ने छ । पुस ६ गतेसम्म कायम रहेका शेयरधनीले मात्र उक्त बोनस पाउने छन् ।