गुल्मी – गुल्मीमा बस दुर्घटना हुँदा एक जनाको मृत्यु भएको छ । अन्य १२ जना घाइते भएका छन् ।

बिहीबार पोखराबाट गुल्मी तम्घास आउँदै गरेको लु १ ख ८१७५ नम्बरकोबस रिडीमा दुर्घटना हुँदा बसका सहचालक ४० वर्षीय युवराज कुँवरको मृत्यु भएको हो । दुर्घटनामा घाइते भएका कुँवरको उपचारको क्रममा मृत्यु भएको प्रहरीले बताएको छ ।

जिल्ला प्रहरी कार्यालय गुल्मीका अनुसार बस रुरुक्षेत्र गाउँपालिका –१, मक्वादिस्थित रिडि–तम्घास पक्की सडक खण्डमा दुर्घटना भएको थियो । दुर्घटना के कारणले भयो भन्ने खुल्न सकेको छैन ।

घाइतेमध्ये एक जनाको रुरु प्राथमिक स्वास्थ्य केन्द्र रिडीमा उपचार भइरहेको छ । भने १२ जनालाई उपचारको लागि लुम्बिनी मेडिकल कलेज प्रभासमा पठाइएको प्रहरीले बताएको छ ।