काठमाडौं– प्रतिनिधिसभाको बिहीबार बसेको बैठकमा पनि नेपाली कांग्रेसले अवरोध गरेको छ ।
सो अवरोधका बीच कांग्रेस र नेकपा एमालेका सांसदहरूबीच घम्साघम्सी समेत भएको थियो । एमाले अध्यक्ष केपी शर्मा ओली र कांग्रेस उपसभापति धनराज गुरुङबीच विवाद भएपछि घम्साघम्सीको अवस्था आएको हो ।
ओली र गुरुङबीच हात हालाहालको अवस्था आएपछि अरु सांसदहरूले रोकेका थिए । गुरुङ ओलीतिर अघि बढेपछि कांग्रेसका प्रमुख सचेतक महेश बर्तौलासहितले हस्तक्षेप गरेका थिए ।
ओली र गुरुङबीच भनाभनपछि सांसदहरूबीच हात हालाहालको अवस्था आएपछि सभामुख देवराज घिमिरेले संसद् बैठक नै स्थगित गरेका छन् ।
प्रतिक्रिया