न्युयोर्क– अमेरिकी अदालतले सर्वोच्च अदालतको समीक्षा नभएसम्म सम्भावित प्रतिबन्ध रोक्न टिकटकको निवेदन अस्वीकार गरेको छ ।  अमेरिकाको संघीय पुनरावेदन अदालतले सामाजिक सञ्जाल प्लेटफर्म टिकटकको अनुरोधलाई अस्वीकार गरेको हो ।

कम्पनीका चिनियाँ मालिकहरूलाई सुप्रीम कोर्टले आफ्नो चुनौतीको समीक्षा नगरेसम्म देशमा प्रतिबन्ध लगाउन वा देशमा प्रतिबन्धको सामना गर्नु पर्ने कानूनको कार्यान्वयन रोक्नको लागि अस्वीकार गरेको अन्तर्राष्ट्रिय सञ्चारमाध्यमले जनाएका छन् ।

सो अदालतले टिकटकको अनुरोधलाई ‘अनावश्यक’ भन्दै अस्वीकार गरेको जनाइएको छ ।

टिकटक र यसको मालिक बाइट डान्सका वकिलहरूले कोलम्बिया सर्किट डिस्ट्रिक्टको लागि युएस कोर्टमा गरेको अपिलमा भनिएको थियो कि अमेरिकी सरकारको नीति गलत छ, टिकटक माथि प्रतिबन्ध लगाइनु हुन्न । तर, सो अदालतका तीन न्यायधीशको संयुक्त इजलासले अमेरिकी सरकारको पक्षमा रहेको र कानूनलाई उनीहरूको चुनौती अस्वीकार गरेको जनाएका छन्  ।

यसअघि बाइडन सरकारले टिकटक माथि प्रतिबन्ध लगाउने पक्रिया बढाए पछि टिकटक अमेरिकामा प्रतिबन्ध हुने खतरा कायमै छ । तर, नवनिर्वाचित राष्ट्रपति डोनाल्ड ट्रम्प पनि टिकटकमा खाता खोले पछि सो प्रतिबन्ध अगाडी नबढ्ने संकेत देखिएको छ ।

त्यसैले अदालतले कम्तीमा कुनै निर्णय नदिएर तत्कालका लागि टिकटकको अनुरोधलाई अस्वीकार गरेको हो । ट्रम्पले पद तथा गोपनीयताका शपथ नलिएसम्म अदालतले कुनै निर्णय नलिएको अन्तर्राष्ट्रिय सञ्चारमाध्यमले जनाएका छन् ।