काठमाडौँ– फिल्म ‘के घर के डेरा’को दोस्रो शृङ्खला ‘घर नम्बर दुई’ मा नायकका रुपमा खगेन्द्र लामिछानेको प्रवेश भएको छ । केही दिन अघि मात्रै उनी फिल्ममा अनुबन्ध भएका हुन् ।

खगेन्द्र अघिल्लो शृङ्खलामा थिएनन् । निर्देशक दीपेन्द्रकुमार खनालका अनुसार पहिलो शृङ्खलाका कलाकार यसमा दोहोरिने सम्भावना न्यून छ । उनी भन्छन्, ‘यो कथा नै फरक हो । पहिलाका कलाकारहरू दोहोरिने सम्भावना कम छ ।’

यद्यपि मुख्य कलाकारको चयनको काम अझै पूरा नभएको उनको भनाइ छ । खनाल भन्छन्, ‘हामी अन्तिम चरणमा छौँ । कलाकार एकदुई दिनमा फाइनल गर्छौँ ।’ अहिले यो फिल्मको प्रि प्रोडक्सनको काम भइरहेको बुझिएको छ ।

‘के घर के डेरा’ मा नायक विपिन कार्की, दयाहाङ राई, नायिका वर्षा राउत र सुरक्षा पन्त मुख्य भूमिकामा थिए । यसको कथा सिंघे लामा र पटकथा महेश दवाडीको थियो ।

‘घर नम्बर दुई’मा बुद्धिसागरको लेखन रहने बताइएको छ । साउन २५ बाट छायाँङ्कनका लागि निस्कने तयारीमा निर्देशक खनाल रहेका छन् ।

ए प्लस इन्टरटेन्मेन्ट र नटराज क्रियसनको ब्यानरमा निर्माण हुन लागेको यो फिल्ममा युवराज कार्कीले लगानी रहने छ ।