काठमाडौं – आईसीसी टी-२० विश्वकप अन्तर्गत आफ्नो तेस्रो खेलमा नेपालले दक्षिण अफ्रिकासँग प्रतिस्पर्धा गर्दैछ। १० औं ओभरको समाप्तिमा नेपालले एउटा मात्र सफलता पाएको छ।

विश्वकप मैदानमा बलियो प्रतिद्वन्द्वी दक्षिणको पहिलो विकेट नेपालका दीपेन्द्रसिंह ऐरीले लिए। उनले चौथो ओभरमा दक्षिण अफ्रिकाका क्विन्टन डी ककलाई ११ बलमा १० रन बनाउँदा आउट गरेका हुन्।

अफ्रिकाविरुद्ध पहिलो ओभरमा नेपालका सोमपाल कामीले चार रन दिए। दोस्रो ओभर बलिङ गर्दै दीपेन्द्रसिंह ऐरीले ६ रन दिए। दक्षिण अफ्रिकाले दोस्रो ओभरको समाप्तिमा १० रन जोड्यो। तेस्रो ओभरमा बलिङ गर्न आएका सोमपाल कामीले ५ रन दिए। चौथो ओभरमा नेपालका लागि दीपेन्द्र ऐरीले एक विकेट लिएर ६ रन दिए।

पाँचौ ओभरको बलिङ करण केसीले गर्दा ९ रन दिए। पाँचौं ओभरको समाप्तिमा दक्षिण अफ्रिकाले एक विकेटको क्षतिमा ३१ रन बनायो। छैटौं ओभरमा कुशल मल्लले बलिङ गरे। उनले ९ रन दिए।

सातौ ओभरमा बलिङ गर्न आएका सन्दीप लामिछानेले दुई रन दिए। सातौं ओभरको समाप्तिमा दक्षिण अफ्रिकाले नेपालविरुद्ध एक विकेट गुमाएर ४० रन बनायो।

आठौं ओभरमा कुशल मल्लले ११ रन दिए। नवौं ओभरमा व्यक्तिगत दोस्रो ओभर बलिङ गरेका सन्दीप लामिछानेले मात्र २ रन दिए। १० औं ओभर बलिङ गरेका कुशल मल्लले ४ रन दिए। १० औं ओभरको समाप्तिमा दक्षिण अफ्रिकाले नेपालविरुद्ध ५७ रन बनायो। नेपालले दोस्रो विकेटका लागि संघर्ष गरिरहेको छ।