काठमाडौं – नेपाल समाजवादी पार्टीका संयोजक तथा पूर्व प्रधानमन्त्री डा. बाबुराम भट्टराईले सहकारी संस्था बचत रकम दुरुपयोग सम्बन्धमा संसदीय छानविन समितिसमक्ष पार्टीको लिखित सुझाव प्रस्तुत गरेका छन् ।

बुधबार भट्टराईका स्वकीय सचिव रोशन पोखरेलले समितिको बैठकमा उक्त सुझाव प्रस्तुत गरेको समिति सभापति सुर्य थापाले जानकारी दिए ।

समितिले आजको बैठकमा प्राइम बहुउद्देश्यीय सहकारी संस्था, पोखराका अध्यक्ष शंकर कार्की र प्रमुख कार्यकारी अधिकृत(सिइयो) सुरेन्द्रमणि पौडेललाई कास्की कारागारबाट उपस्थित गराइ बयान लिएको थियो ।

त्यस्तै बलिदानी बचत तथा ऋण सहकारी संस्था, पोखरा, सिद्धिदाता बहुउद्देश्यीय सहकारी संस्था,ललितपुरका अध्यक्ष अजय श्रेष्ठ र रमण पौडेललाई कास्की कारागारबाट बैठकमा उपस्थीत गराई बयान लिएको छ ।