काठमाडौं – प्रधानमन्त्री केपी शर्मा ओलीले आएको जिम्मेवारी सफलतापूर्वक पूरा गर्ने बताएका छन् ।

पूर्वराष्ट्रपति विद्यादेवी भण्डारीलाई चपलीस्थित निवासमा भेटेर निजी निवास बालकोटमा फर्किएपछि उनले यस्तो बताएका हुन् ।

‘मलाई जिम्मेवारी आएको छ, सफलतासाथ पूरा गर्छु,’ उनले भने, ‘यो जिम्मेवारी बहन गर्न गम्भीरतापूर्वक लिएर अघि बढ्छु ।’

ओलीले देशमा अहिले भइरहेको बाढीपहिरोको बिपत्तिबारे तत्कालै समीक्षा गरेर समाधानका उपाय खोज्न पहल गरिने बताएका छन् । बाढीपहिरोको संकटका बेला सरकार फेरबदलमा लागेको भन्दै दलहरूको आलोचना भइरहेको छ।

ओलीलाई आइतबार नै राष्ट्रपति रामचन्द्र पौडेलले संविधानको धारा ७६ ९२० अनुसार प्रधानमन्त्रीमा नियुक्त गरेका हुन् । उनले सोमबार शीतल निवासमा शपथ ग्रहण गर्ने तयारी छ ।