काठमाडौँ- अमिर खान एकदमै स्क्रिप्ट छानेर मात्र फिल्म लिने बलिउड अभिनेता हुन् । उनले खेलेका फिल्म प्रायः सन्देशमूलक हुने गर्छन् ।

स्क्रिप्ट छानेर फिल्म खेल्ने क्रममा अमिरले सुपरटिह बनेका फिल्म पनि अस्वीकार गरेका छन् । जुन फिल्मबाट अन्य कलाकारले राम्रै चर्चा पाएका छन् ।

अमिरले अस्वीकार गरेको फिल्म शाहरुख खान र सलमानले पनि खेलेका छन् । सो फिल्मको चर्चा आजको दिनमा पनि हुने गर्छ ।

डर
सन् १९९३ मा प्रदर्शनमा आएको डर फिल्मबाट शाहरुखले राम्रै चर्चा पाए । यो त्यस वर्षको सबैभन्दा बढी कमाइ गर्ने फिल्म बनेको थियो ।

त्यति मात्र होइन, यही फिल्मबाट शाहरुखले डाइलग पाए, ‘तुम, ऐसा मत करो कि… कि… किरण ।’ आज पनि सार्वजनिक कार्यक्रममा उनलाई यो डाइलग बोल्न आग्रह गरिन्छ ।

तर रोचक कुरा निर्देशक यश चोप्राले यो फिल्मका लागि पहिला अमिरलाई प्रस्ताव गरेका थिए । अमिरले अस्वीकार गरेपछि शाहरुखले यो फिल्म पाएका हुन्  ।

हम आपके हे कौन
हम आपके है कौन सन् १९९४ मा प्रदर्शनमा आएको सबैभन्दा हिट फिल्म हो । सलमान खानको मुख्य भूमिका रहेको यस फिल्मले ६९ करोडको व्यापार गरेको थियो ।

यो सलमानको करिअरलाई नै ब्रेक दिने मध्येको एक फिल्म हो । तर यस फिल्मका लागि निर्देशक सुरज बड्जात्याको पहिलो रोजाइमा सलमान थिएनन् ।

बड्जात्याले सुनाएको स्क्रिप्टबाट अमिर प्रभावित नभएपछि सलमानले हिट फिल्मको अवसर पाए ।

डीडीएलजे
डीडीएलजे शाहरुख खान र काजोल मुखर्जीको एकदमै हिट फिल्म हो । यी दुईलाई अझै पनि यही फिल्मका कलाकार भनेर सम्बोधन गरेको पाइन्छ ।

सन् १९९५ मा प्रदर्शनमा आएको यही फिल्मबाट उनीहरूले स्टारडमको दायरा विस्तार गर्न पाए ।

यो फिल्मको पहिलो प्रस्ताव पनि अमिरलाई नै गएको थियो । उनी फिल्म ‘रंगीला’को सुटिङमा व्यस्त भएका कारण शाहरुखले अवसर पाएको बताइन्छ ।