काठमाडौं– नेपाल पत्रकार महासंघको नेतृत्वका लागि मतदान सम्पन्न भएलगत्तै केन्द्रीय कार्यालय सिनामंगलमा मतगणना सुरु भएको छ ।

महासंघ कार्यवाहक अध्यक्ष बाला अधिकारीका अनुसार एसोसिएट र प्रतिष्ठानतर्फको मतगणना शुक्रबार साँझदेखि शुरु भएको छ । काठमाडौं शाखाको मतगणना पनि खाना खाइसकेपछि रातिदेखि नै सुरु गर्ने तयारी छ ।
काठमाडौं जिल्ला शाखामा कुल मतदाता १ हजार ६४ जना छन् ।

यसैवीच विभिजिल्ला शाखाहरुबाट चुनावी परिणाम आउन थालिसकेको छ । शुक्रबार साँझ ८ बजेसम्म इलाम, तेह्रथुम, ओखलढुंगा, खोटाङ, दोलखा, अर्घाखाँची, रोल्पा लगायतका जिल्लाको मत परिणाम आएको छ ।

स्रोतका अनुसार अधिकांश ठाउँमा युनियन र चौतारीको गठबन्धनले जित हात पारेका छन् भने कतिपय ठाउँमा बागीले समेत जितेका छन् । केन्द्रीय पदाधिकारीमा पनि सत्ता पक्षीय गठबन्धनलाई ‘बागी’ ले चुनौती दिने सम्भावना विभिन्न जिल्लाको मत परिणामले देखाएको छ ।

यो पनि-

९ हजार पत्रकारको निर्वाचन : कांग्रेस–एमाले मिल्दा पनि निर्मलालाई डर ?