काठमाडौं – भारत र गुएनाबीच रक्षा सहकार्य अभिवृद्धिबारे छलफल भएको छ । गुएनाको रक्षा बलका ब्रिगेडियर ओमर खानले भारतीय सेनाप्रमुख जनरल अनिल चौहानसँग भेटवार्ता गरी यसबारे छलफल गरेका हुन् ।

भेटवार्ताका क्रममा द्विपक्षीय रक्षा सहकार्य, क्षेत्रीय स्थीरता, समुद्री सुरक्षा र आपसी समझदारी विकास गर्ने विषयमा छलफल भएको भारतीय सेनाले जनाएको छ । पाँचदिने भारत भ्रमणका क्रममा बिग्रेडियर खानले जनरल चौहानसँग भेटवार्ता गरेको भारतीय समाचार संस्था एएनआईले जनाएको छ ।

यस भेटवार्तामा जटिल बन्दै गएको सुरक्षा वातावरणमा क्षेत्रीय स्थीरता कायम गर्न दुबै मुलुकका सेनाले प्रतिबद्धता व्यक्त गरेका छन् । सन् १९६५ मा भारत र गुएनाबीच कूटनीतिक सम्बन्ध स्थापना भएयता दुई मुलुकबीच कृषि, स्वास्थ्य, रक्षा, प्रविधिजस्ता क्षेत्रमा सहकार्य बढ्दै गएको छ ।