काठमाडौं – अभिनेत्री तथा मोडल रजनी गुरूङ ‘मंगली’ को ‘साच्चै भन त !’ शीर्षकको म्यूजिक भिडिओ सार्वजनिक भएको छ ।

खेम सेञ्चुरी र मेलिना राईको स्वरमा रहेको उक्त गीत मंगली युटुब च्यानलबाट सार्वजनिक भएको हो । गीतमा शब्द, संगीत शिव हमालको रहेको छ । भिडिमा रजनीसहित पल शाह र विजय पुनले अभिनय गरेका छन् । भिडियो मौसम हिमालीको कोरियोग्राफी र निर्देशनमा बनेको हो ।

रजनीले केही फिल्म र थुप्रै म्युजिक भिडिओमा अभिनयसमेत गरेकी छन्। टलकजंग भर्सेस टुल्के, मट्टीमाला, साली कसको भेनाको, महाजात्रालगायतका फिल्ममा उनको अभिनय देख्न सकिन्छ ।

उनले अभिनय गरेका कहाँको साइनो, सोल्टी बजारलगायत गीत चर्चित छन् । ‘मंगली’ उपनाम भने उनले हास्य सिरियल ‘मेरी बास्सै’बाट पाएकी हुन्। यो सिरियलमा बुद्धि तामाङ हैटको जोडीका रूपमा रजनीले मंगलीको भूमिका निभाएकी छन् ।

आफ्नो प्रस्तुतिमा पहिलो पटक गीत ल्याएकी उनले यसमा भरपूर मेहनत गरिएको बताइन्। ‘यो फरक शैलीको तर मौलिक गीत हो,’ उनले भनिन् ‘दर्शकहरूले रूचाउने विश्वास छ ।’