मास्को– युक्रेनी ड्रोन आक्रमणपछि रुसको रोस्तोभ क्षेत्रमा शनिबार एउटा इन्धन डिपोमा आगलागी भएको छ । 

गभर्नर भासिली गोलुबेभका अनुसार रोस्तोभ क्षेत्रको त्सिम्ल्यान जिल्लामा रहेको एउटा तेल डिपोमा युएभी आक्रमणका कारण बिहान ४ः०० बजे आगलागी भएको हो।

सो घटनामा कुनै हताहती नभएको उल्लेख छ । यो क्षेत्र फ्रन्ट लाइनबाट सयौँ किलोमिटर टाढा छ । यसैबीच रुसको रक्षा मन्त्रालयले आफ्ना सेनाले चार युक्रेनी ड्रोन खसालेको घोषणा गरेको छ । 

दुईवटा रोस्तोभमा, एउटा युक्रेनसँग जोडिएको बेलगोरोड क्षेत्रमा र अर्को उत्तरमा रहेको कुर्स्कमा छन् ।  

मस्को र किभ दुवैले ड्रोन प्रयोग गरेका छन्, जसमा फेब्रुअरी २०२२ मा सुरु भएको द्वन्द्वमा सयौँ किलोमिटर फैलिएको दायरासहित ठुलो सेल्फ–डिटोनेटिङ क्राफ्ट समावेश छ ।