काठमाडौं – आईसीसी टी-२० विश्वकप अन्तर्गत अहिले समूह ‘सी’को खेलमा वेस्ट इन्डिजले न्युजिल्यान्डविरुद्ध सुरुमा ब्याटिङ गर्दैछ।
टस जितेर न्युजिल्यान्डले सुरुमा फिल्ड रोजेपछि वेस्ट इन्डिजले ब्याटिङ गर्न लागेको हो। समूह ‘सी’मा दुई खेल खेलिसकेको वेस्ट इन्डिजले चार अंक जोडेको छ। तालिकाको दोस्रो स्थानमा रहेको वेस्ट इन्डिज आजको खेल जित्दै एक खेल अगाडि ‘सुपर ८’ मा प्रवेश गर्ने लक्ष्यका साथ मैदानमा हुनेछ।
यो समूहमा समान चार अंक भएको अफगानिस्तान नेटरनरेटका आधारमा शीर्ष स्थानमा छ। तीन खेल खेलेको युगान्डाले दुई अंक जोडेको छ। समूह ‘सी’का पपुवा न्युगिनी र न्युजिल्यान्ड अंकबिहीन छन्।
प्रतिक्रिया