काठमाडौं– जसपा नेपालका अध्यक्ष उपेन्द्र यादवले स्वास्थ्य मन्त्रालयबाट राजीनामा दिएका छन् ।
सो पछि फुटेको अशोक राईको जसपाबाट प्रदीप यादवलाई स्वास्थ्य मन्त्रालयमा पठाउने तयारी भएको छ । जसपाका नेताका अनुसार यादवको शपथ आजै हुने सम्भावना पनि छ ।
यता अध्यक्ष राईले खबरहबलाई भने, ‘प्रधानमन्त्री ज्यूले तयारी गर्नु भन्नु भएको छ । तर शपथ आज या भोलि हुन्छ निधो छैन ।’
यस्तै, हसिना खानलाई स्वास्थ्य राज्यमन्त्री बनाइने भएको छ ।
तत्काल सरकारलाई सन्तुलनमा ल्याउन यादवलाई स्वास्थ्य मन्त्रालयमा पठाइएको हो । पछि पुन: सरकारको सन्तुलन मिलाउन पनि सकिने बताइएको छ ।
अशोक राई समूहले बैखाख १३ गते जसपा विभाजन गरेको थियो । प्रतिनिधि सभामा जसपाबाट उपस्थित १२ सांसद मध्ये अशोकको पक्षमा ७ र यादवको पक्षमा ५ जना सांसद खुलेका छन् ।
तर प्रधानमन्त्रीको सचिवालयले आइतबार २ गते अगाडि मन्त्रपरिषद् पुनर्गठन नहुने खबरहबलाई बताएको थियो । हाल प्रधानमन्त्री चितवनमा छन् ।
यो पनि…
उपप्रधानमन्त्री उपेन्द्र यादवले दिए राजीनामा
केन्द्र सरकार जोगाउने खेलमा जसपालाई सिकार बनाए : लालबाबु राउत
उपेन्द्र र माधव कांग्रेससँग मिलेर सरकार ढाल्ने योजनामा थिए : अशोक राई
प्रतिक्रिया