काठमाडौँ– इंग्लिस प्रिमियर लिग फुटबलमा क्रिष्टल प्यालेसमाथि चेल्सीले सहज जित निकालेको छ । गएराति भएको खेलमा चेल्सीले क्रिष्टल प्यालेसलाई ३–१ गोलले हराएको हो ।

चेल्सीका लागि कानर घल्लाघेरले दुई तथा एन्जो फर्नान्डेजले एक गोल गरेका थिए । क्रिष्टलका जेफर्सन लेर्मले एक गोल गरेका थिए ।

खेलको ३०औँ मिनेटमा गरेको गोल रक्षा गर्न नसक्दा क्रिष्टल पराजित हुन पुगेको थियो । खेलको ९० मिनेटसम्म १–१ गोलको बराबरीमा रहेको चेल्सीले इन्जुरी समयमा दुई गोल थपेर जित सुनिश्चित बनाएको थियो ।

यो जितसँगै चेल्सी २४ खेलबाट ३४औँ अंकका साथ दशौँ स्थानमा छ । पराजित भएको क्रिष्टल प्यालेस २४ अंकसहित १५औँ स्थानमा छ । शीर्षस्थानको लिभरपुलको ५४ अंक छ ।