काठमाडौं – नेपाल प्रिमियर लिग (एनपीएल) अन्तर्गत बिहीबार बिहानको खेलको १० औं ओभरको समाप्तिमा विराटनगरले तीन विकेट गुमाएको छ।

पोखराका सागर ढकालको बलमा विराटनगरका ओपनर न्युजिल्याण्डका मार्टिन गप्टिल पाँच रन बनाएर आउट भए । १४ बलको सामना गरेका गप्टिललाई ढकालले ४ ओभर तीन बलमा आउट गरेका हुन् ।

त्यसैगरी दोस्रो विकेटको रुपमा आक्रामक ब्याट्सम्यान लोकेश बम आउट भएका हुन् । रेमन रेफको बलमा लोकेश क्याच आउट भएका हुन् । १६ बल खेलेका लोकेशले दुई चौका र दुई छक्काको मद्दतमा २६ रन बनाएका थिए ।

तेस्रो विकेटको रुपमा विराटनगरले नरेन भट्टलाई गुमायो । ७.१ ओभरमा दिनेश खरेलको बलमा भट्ट सागर ढकालबाट क्याचआउट भएका हुन् । ११ बलको सामना गरेका उनले ४ रन मात्र जोडेका थिए ।

विराटनगर अहिले तीन विकेटको क्षतिमा ६१ रन बनाएर खेलिरहेको छ ।