विराटनगर- नेकपा एमालेका महासचिव शंकर पोखरेलले राजनैतिक स्थायीत्वका लागि ठूला दलबीच सहकार्य भएको बताएका छन् ।

मंगलबार विराटनगरमा सञ्चारकर्मीसँग कुरा गर्दै महासचिव पोखरेलले जनताको म्याण्डेटविपरीत साना दलहरूले शासन गर्ने गरेकाले ठूला दलबीच राजनैतिक स्थायित्वका लागि सहकार्य भएको बताएका हुन् ।

महासचिव पोखरेलले म्याजिक नम्बर भन्दै साना दलले शासन गर्ने प्रवृति रोक्न निर्वाचन प्रणालीमा सुधार गर्नुपर्नेमा जोड दिए । उनले संविधान संसोधन र आर्थिक सुधारलाई मुख्य एजेण्डा बनाएर एमाले र कांग्रेसले सरकार बनाएको जिकिर गरे ।

महासचिव पोखरेलले २०८४ को निर्वाचनअघि संविधान संशोधनको काम सम्पन्न गरिने बताए । संविधान संशोधनका लागि अन्य दलसँग चाँडै छलफल गरिने उनले बताए ।