काठमाडौं – पर्यटनको क्षेत्रमा सहकार्य गर्न भारत र अस्ट्रिया सहमत भएका छन् । भारतीय प्रधानमन्त्री नरेन्द्र मोदीको अस्ट्रिया भ्रमणका क्रममा यस्तो सहमति भएको हो ।

एक अर्को मुलुकमा अर्को मुलुकका पर्यटकको सङ्ख्या वृद्धि गर्न दुबै मुलुक सकारात्मक रहेको भारतीय प्रधानमन्त्री कार्यालयले जारी गरेको विज्ञप्तीमा जनाइएको छ ।

यसका लागि प्रत्यक्ष उडान सङ्ख्या वृद्धि गर्ने, पर्यटकको बसाई लम्ब्याउने विषयमा सहमति भएको डीएनए इण्डियाले जनाएको छ ।

विज्ञप्तिमा पर्यटनको क्षेत्रमार्फत् दुबै मुलुकले दिगो आर्थिक वृद्धि गर्ने दिशामा अघि बढिरहेको जनाइएको छ । दुई मुलुकले कूटनीतिक सम्बन्ध स्थापना गरेको ७५ औँ वार्षिकोत्सवका अवसरमा प्रधानमन्त्री मोदीले अस्ट्रियाको भ्रमण गरेका हुन् ।

इन्दिरा गान्धीले सन् १९८३ मा अस्ट्रियाको भ्रमण गरेयता प्रधानमन्त्री मोदी पहिलो पटक त्यहाँ पुगेका हुन् ।